Kismaayo (ONKOD ) Wararka maanta oo Khamiis ah aan ka helayo ayaa sheegaya in kolonyo ciidama ah oo ay la socdeen saraakiil Mareykan ah qarax lala eegtay.
Wararka aan helayno ayaa sheegaya in qaraxaas uu haleelay gaari ay ciidanka la socdeen , waxaana waxyeelo gaaray gaariga lama sheegin khasaare nafadeed.
Miinada nooca dhulka lagu aaso ayaa lagu soo waramayaa in ciidanka Mareykanka lala eegtay .
Taliska AFRICOM war ka soo baxay ayaa lagu sheegay in aysan jirin khasaare soo gaaray ciidankooda gacanta siinaya kuwa Dowladda Soomaaliya.
Xaaladda goobta qaraxan uu ka dhacay ayaa degan , waxaana goobta howlgal ka bilaabay ciidanka maamul goboleedka Jubbaland.
Ciidanka AFRICOM ayaa gudaha Soomaaliya u jooga sidii tababar ay u siin lahayeen ciidanka Soomaaliya isla markaana ay ula dagaalami lahayeen kooxda Al- Shabaab.