Garoowe (ONKOD ) Musharax Madaxweyne Puntland Suldaan Cabdicasiis Afguduud ayaa goor dhaweyd ku dhintay shilgaari oo ku galay wadada xiriirsa Boosaso iyo Qardho
Marxuumka ayaa ku sii jeeday Magaalada Qardho halkaas oo kasii wadi lahaa Ololahiisa Doorashada ka dib markii uu dhawaan shaaciyay in uu yahay Musharax Madaxweyne Puntland.
Saraakiil ka tirsan Puntland ayaa xaqiijiyay geerida , musharax Madaxwayne kaas oo Olole ka waday maalmahan deegaanada maamul goboleedka Puntland.
Xubno ka mid ah Ololayaasha musharaxan geeriyooday ayaa sheegay in marxuum Afguduud uu la balansanaa ka hor geeridiisa Odayaasha dhaqanka iyo qaybaha bulshada .
Musharaxiinta Ololaha ku jira ayaa sheegay inay ku xun yihiin geerida ku timid msuharaxaas madaxwayne ee maanta ku geeriyooday shilka gaari.