Wararka inaga soo gaaraya Magaalada Ceergaabo ee gobolka Sanaag, ayaa sheegaya in Iska horimaad labo ciidan uu kasocda magaalada Ceerigaabo, kaas oo u dhaxeeya ciidamada SSCKHaatumo iyo Somaliland, waxaana labada dhinac ay isku adeegsanayaan hubka culus.
Sida ay inoo shegeen goobjoogayaal waxaa gudaha magaalada lamaqlaya hoobiyeyaal, iyada oo waraka qaar ay sheegayaan in ciidanka SSCKHaatumo ay galeen xaafadaha magaalada qaarkood oo aysan horey u joogin.
Somaliland iyo SSC midkoodna wali kama hadlin iska horimaadka cusub, inkastoo mudooyinkii u dambeeyey ay xaalada magaaladan oo ay 2-da dhinacba wadagaan ay laga dareemayay saan-saan colaadeed, waxaana sidoo kale maalmihii u dambeysay socday Dadaal nabdeed 2-da daraf ay wadeen si magaalada uusan dagaal uga dhicin.
Sikastaba, Madaxweynaha cusub ee Somaliland ayaa maanta magacaabay xubnaha golihiisa wasiirada oo uu kasoo daray xubno kasoo jeeda deegaanada Sanaag, Sool iyo Cayn.