Wararka ka imaanaya degmada Galcad ee gobolka Galgaduud, ayaa sheegaya in saacadihii lasoo dhaafay duqeyn diyaaradeed laga fuliyay deegaano hoostaga degmadaasi.
Duqeynta ayaa si gaar ah waxaa la sheegay in lagu beegsaday saldhig ay kooxda Al-shabaab ku lee yihiin deegaan hoos yimaada Galcad.
Ilo wareedyo deegaanka ah ayaa ku waramay in duqeyn culus ay maqlayeen balse aysan ogeyn khasaaraha lagu gaarsiiyay Al-shabaab.
Geesta kale dagaal u dhaxeeyay ciidanka xoogga dalka iyo Al-shabaab ayaa ka dhacay deegaanka Baraag Sheekh Caamir oo hoos yimaada degmada Galcad ee Galgaduud.
Dagaalka ayaa yimid kaddib markii ciidanka xoogga ay weerareen saldhig ay Ururka Al-shabaab ku lee yihiin deegaankaasi.
Siakstaba, ciidanka dowladda iyo kuwa deegaanka ayaa maalmihii lasoo dhaafay kordhiyay howlgallada ka dhan ah Al-shabaab ee ay ka sameynayaan deegaanada maamulada Galmudug iyo Hir-shabeelle.