Dhuusareeb (ONKOD) Koox hubaysan ayaa lagu soo waramayaa in laba qof oo walaal ah ay ku dileen deegaano ka mid ah gobolka galgaduud ee bartamaha Soomaaliya.
Labad qof ee la dilay ayaa lagu kala magacabaa Macalin Liibaan Xasam Cusmaan iyo Dr Axmed Xasan Cusmaan oo ahaa laba qof oo walaal ah sida ay ku warameen dadka deegaanka.
Maamulka deegaanka Ceeldheere oo u dhaxeeya Guraceel iyo Dhuusmareeb ayaa sheegay inay wadaan dadaalo ku aadan sidii gacanta loogu dhigi lahaa dadkii falkaas ka danbeeyay.
Ciidanka deegaanka ayaa wada dadaalo ku aadan sidii gacanta loogu soo dhigi lahaa kooxdii ka danbeysay dilkaas labada qof ee walaalaha ah ee ka dhaca deegaanka.
Deegaano ka mid ah gobolka Galgaduud ayaa waxaa ka taagaan dhibaatooyin la xiriira dilalka aanooyinka qabiil oo ilaa iyo hadda aanay jirin cid wax ka qabata.
Maamulka Galmudug ayaa maalmo ka hor sheegay in xooga uu saari doono sidii loogu hortagi lahaa dhibaatooyinka salka ku haya anooyinka qabiil.