Iyadoo madaxweynaha cusub ee Soomaaliya uu socdaal ku marayo dowlad-goboleedka Koonfur galbeed, ayaa booliisku waxay weerar ku qaadeen idaacadaha maxalliga ah, iyagoo garaacaya oo xiray saxafiyiinta

|

Muqdisho (Onkod Radio) — Ururka Suxufiyiinta Soomaaliyeed (SJS) iyo Ururka Warbaahinta Soomaaliyeed (SOMA) ayaa si kulul u cambaareeyay falkii gacan ka hadalka ahaa ee ciidamada Booliska dowlad goboleedka Koonfur Galbeed, ay ku qaadeen Idaacadda Radio Baraawe, oo ah raadiyaha u dooda xuquuqda bulshada laga tirada badan yahay ee maxalli ah oo ku yaalla magaalada Baraawe habeenkii Arbacada.

Weerarkan ayaa ku soo aadaya iyadoo booqashadii ugu horreysay ee madaxweyne Xasan Sheekh Maxamuud, uu ku tagayo maamulka Koonfur Galbeed, kaddib markii uu ku guuleystay doorashadii 15-kii bishan.

Abaare 6:15 pm xilliga Afrika ee Arbacada, shan askari oo bilays ah oo hubaysan ayaa weerar ku qaaday idaacadda Baraawe, waxayna si xoog ah, u xireen wariye Cismaan Aweys Baxar, oo sidoo kale u shaqeeya TV-ga Universal iyo aasaasihii idaacada Fu’aad Shooble. Labadooda ayaa markii hore lagu khasbay inay xeebta ku socdaan iyagoo qoryo lagu haayo si kastaba ha ahaatee, iska caabin kadib ayaa loo gudbiyay saldhigga booliska oo lagu hayay.

Ciidamo labisan ayaa lagu arkayay gudaha xarunta idaacadda, iyadoo ugu yaraan hal askari uu qorigiisa ku fiiqayo wariye Cismaan Baxar, una hanjabaya in ay toogan doonaan, sida laga soo duubay muuqaal ay heleen SJS iyo SOMA. Sida ay sheegeen asxaabtiisa, Weriye Baxar, ayaa waxaa ka soo gaaray dhaawac gacanta ah oo ka dhashay garaacista booliska ay ku garaaceen qoryaha.

Radio Barawe journalist, Osman Aweys Bahar. | PHOTO/SJS/FILE.
Radio Barawe journalist, Osman Aweys Bahar. | PHOTO/SJS/FILE.

Duullaanka iyo xarigga ayaa waxa uu daba socdaa ammar xarig ah oo Arbacadii ka soo baxay Maxkamadda Gobolka Shabeellaha Hoose, kaasi oo ku saabsanaa warkii Wweriye Baxar, uu ka sheegay khilaafka sii kordhaya ee ka dhex jira golaha deegaanka degmada Baraawe iyo guddoomiyaha degmada, Mar sii horreysay Wariye Baxar ayaa u sheegay SJS iyo SOMA in Guddoomiyaha Degmada Liibaan Abuukar Baafo, iyo Taliyaha Booliska Cabdiqaadir Aadan Maxamed, ay ugu hanjabeen in ay xabsiga dhigi doonaan.

SJS, iyo SOMA, ayaa cambaareeyay falkii gacan ka hadalka ahaa ee lagu qaaday Radio Baraawe iyo xarigga shaqaalaheeda. Waxaan ku baaqaynaa in si deg deg ah tallaabo looga qaado ciidamada booliska ee falkan sameeyay.

Waxaan sidoo kale ka dalbaneynaa xorriyadda wariye Cismaan Aweys Baxar, iyo aasaasihii idaacadda Fu’aad Shoble,  Booliisku waa inay sidoo kale soo celiyaan qalabkii laga qaatay raadiyaha.

Xoghayaha Guud ee Ururka Suxufiyiinta Soomaaliyeed ee SJS Cabdalle Axmed Muumin, ayaa yiri “Waxaan cambaareyneynaa weerarkan gacan ka hadalka ah ee ay ciidamada booliska dowlad goboleedka Koonfur Galbeed, ku qaadeen Radio Baraawe, iyo xarigga Cusmaan Aweys Baxar, iyo aasaasihii idaacada Fu’aad Shooble,” ayuu yiri Cabdalle Axmed Muumin. xorriyadda shuruud la’aanta ah ee labada saaxiib ee la xidhay. Saraakiisha booliisku waa inaysan u dhaqmin si ka sarreeysa sharciga, Waa in lagula xisaabtamaa falalka gurracan ee ay geystaan”.

“Aad baan uga xunnahay in weerarkii lagu qaaday Idaacadda Baraawe iyo xarigga labadii shaqaale ee ka tirsanaa kuna dhaawacmay mid ka mid ah, markii madaxweynaha Soomaaliya Xasan Sheekh Maxamuud, uu booqashadiisii ​​ugu horreysay ku tagayo dowladdan xubnaha ka ah federaalka. Waanu cambaaraynaynaa falkii ay booliiska sameeyeen, waxaanan dalbanaynaa caddaalad, Waa in si deg deg ah, loo sii daayaa,” Maxamed Cismaan Makaraan, Xoghayaha Guud ee Ururka Warbaahinta Soomaaliyeed (SOMA) ayaa yiri.

Labadii sanno ee la soo dhaafay, booliska Koonfur Galbeed ayaa laba jeer weeraray oo xiray Radio Baraawe, xitaa waxay mamnuuceen barnaamijka lahjadda maxalliga ah ee Baravanese (Chimwiini) ee idaacadda oo u muuqday ammar siyaasadeed oo ka soo baxay mas’uuliyiinta dowlad goboleedka Koonfur Galbeed. Inkastoo Radio Baraawe, uu dib u billaabay howlihiisa maalmo kaddib, Weriyaasha iyo tifaftirayaasha ayaa soo sheegay in maamulku uu sii waday dabagalka ay ku hayaan shaqaalaha idaacadda.

Related Articles

News In English

The net-zero impact of World Bank projects in Somalia

The World Bank (WB) is launching the Somali Electricity recovery Project (SERP) which will cost 150M USD and its worth mentioning that the money...

Prominent TV journalist killed, two others injured in Mogadishu bombings

MOGADISHU, Somalia 29 October, 2022 – Somali Journalists Syndicate (SJS), the Somali Media Association (SOMA) and the Somali Mechanism for the Safety of Journalists...

Attacks against journalists climb as Somali authorities declare crackdown on press freedom

MOGADISHU, Somalia 27 October, 2022 – Somali Journalists Syndicate (SJS) and the Somali Media Association (SOMA) are alarmed by the ongoing crackdown by the...

State TV journalist killed while covering military operation on the outskirts of Mogadishu

Mogadishu (Onkod Radio) — Somali Journalists Syndicate (SJS) strongly condemns the bomb attack that targeted Somali National Television (SNTV) journalist, Ahmed Mohamed Shakur alongside...

UK announces new support for people facing famine in Horn of Africa

Mogadishu (Onkod Radio) — Speaking at an event on the humanitarian crisis unfolding in the Horn of Africa at the UN General Assembly in...

Fikradaha

The net-zero impact of World Bank projects in Somalia

The World Bank (WB) is launching the Somali Electricity recovery Project (SERP) which will cost 150M USD and its worth mentioning that the money...

GUURKII AWOOWAYAASHEEN – DOONISTII IYO AQAL-GALKII

Qaybtii 1-aad: Barnaamijka War iyo waaya-arag waxaan maanta ku soo qaadanaynaa sida hablaha loo doono iyo sida aroosyada loo dhiso innaga oo tix raacaynaa...

Dalkeena wuxuu u baahan yahay Ciidan Qaran oo Badbaadiya!

Tani waa farriin ka socota muwaadin Soomaaliyeed oo ay danqeyso xaaladda ay ku sugan yihiin Ciidamada Xoogga Dalka Soomaaliyeed xilli uu dalkeena baahi aad...