Madaxweynaha Soomaaliya Xasan Sheekh Maxamuud, ayaa hambalyo u diray madaxweynaha sida kumeel-gaarka ah loo magacaabay Suuriya Axmed Al-shacra.
Qoraal kooban oo lagu baahiyay barta X, ee Villa Somalia, ayaa hambalyo loogu diray hoggaamiye Axmed Al-shacra, inuu noqdo mid dalkiisa ka samatabixiya burburkii kasoo gaaray colaaddii dalkaasi la degtay sannadihii lasoo dhaafay.
“Waxaan hambalyo u diraya hoggaamiyaha waqtiga kala guurka ee Jamhuuriyada carbeed Suuriya Axmed Al-shacra, waxa aan ku bogaadinaya inuu diirada saaro kamira-dhallinta himilooyinka bulshada, xasiloonida iyo qaran cagahiisa ku istaaga.” Ayaa lagu yiri qoraalka lagu daabacay barta Villa Somalia.
Sikastaba, madaxweynaha cusub ee Suuriya, ayaa udub dhaxaad u ahaa qorshihii lagu soo afjaray xukunkii kala taliska ahaa ugana mudada dheeraa dalkaasi ee Xaafid Al-asad iyo Bishaar oo ah wiil iyo Aabihiis oo xukunka isku badaly.