Maanta oo ah maalinta koowaad ee munaasabada Ciidul Fidriga waxaa si weyn looga ciiday magaalada Muqdisho iyo qaar kamid ah gobollada dalka Soomaaliya.
Waddooyinka waa weyn e magaalada Muqdisho, ayaa waxaa ku arkeysa Haween, Carruur Dhallinyaro iyo dad da’ah, kuwaasi oo ay wajiyadooda ka muuqato farxada Ciida, isla markaana isku hambalyeeynayo, waxaana ay buux dhaafiyeen Masaajidada si ay u Oogaan ama u Tukadaan Salaada Ciida.
Madaxweynaha Soomaaliya Xasan Sheekh Maxamuud, ayaa maanta shacabka kula Tukaday Salaada Ciida Masjidka Isbaheysiga oo kamid ah Masaajidada ugu weyn magaalada Muqdisho, waxaana adaxweynaha Salaada kaddib shacabka ugu hambalyeeyay munaasabada Ciidul Fidriga.
Sikastaba, weli waxaa jiro dalal badan oo Islaam ah oo maanta laga Sooma yahay, kaddib markii ay shegeen in aysan bishan arkin ayna buuxinayaan 30 bisha Ramadaan.