Hobyo (ONKOD) Degmada Hobyo ee gobolka Mudug waxaa ka qabsoomay kulanka Golaha wasiirada maamulka Galmudug oo looga hadlayo arrimo ku saabsan , dhismaha dekada Hobyo.
Waxaa shir gudoomiyay Madaxwaynaha maamulkaas Axmed Cabdi Kaariye Qoorqoor waxaana ku sugnaa inta badan xubnaha Golaha wasiiradda.
Heshiiska ay wada gaareen , shirkad dhisaysa Dekada Hobyo ee Mudug iyo maamulka Galmudug ayaa diirada lagu saaray , waxaana ugu danbeyn lagu meel mariyay heshiiskaas.
Madaxwaynaha Galmudug ayaa ku tilmaamo guulo la taaban karo maadama uu sheegay in heshiiskaan uu muhiim u yahay dadka ku nool deegaanada maamul goboleedka Galmudug.
Sidoo kale , kulanka waxaa warbixin ku saabsan hishiiska dowladda Galmudug iyo shirkadda Maalgashiga Dekadda Hobyo laga dhageystay Wasiirka Dekadaha. Kaddib dood dheer golaha ayaa cod aqlabiyad leh ku ansixiyay hishiiskaas.
Shirka golaha wasiirrada Galmudug ee ka qabsoomay magaalada Hobyo ayaa sidoo kale waxaa sharci muhiim ah loogu ansixiyay Wasaraadda Haweenka iyo Xuquuqul Insaanka Dowladda Galmudug.
Madaxweynaha Dowlad-goboleedka Galmudug Axmed Cabdi Kaariye (Qoor-Qoor) ayaa maalmo kahor booqday halka ay khubarada dhiseysa dekedda Hobyo u asteeyeen in laga dhiso dekedda.