Ra’iisul Wasaaraha xukuumadda Soomaaliya Xamsa Cabdi Barre, ayaa maanta deegaanka Number 50 Salaada Ciidul Fidriga kula Tukaday, Shacab ciidan iyo mas’uuliyiin katirsan dowad goboleedka Koonfur Galbeed.
Wasiirka amniga gudaha Cabdullaahi Sheekh Ismaaciil Fartgaa, wasiirka Dekadaha Cabduqaadir Maxamed Nuur Jaamac iyo guddoomiyaha gobolka Shabeellaha Hoose,ayaa qeyb ka ahaa mas’uuliyiinta maanta Salaada Ciida ku Oogay deegaanka Number 50 ee gobolka Shabeellaha Hoose.
Ra’iisul Wasaare Xamsa oo khudbad kooban ka jeediyay goobta ayaa marka hore shacabka deegaanka ugu hambalyeeyay munaasabada maalinta koowaad ee Ciidul Fidriga, waxa uuna sidoo kale ugu baaqay in ciidamada xoogga ay ka gacan siiyaan howlgallada kooxda Al-shabaab looga saarayo Shabeellaha Hoose.
Sidoo kale Ra’iisul Wasaare Xamsa, ayaa ciidamada qeybahooda kala duwan ku dhiirageliyay in ay sii kordhiyaan adkeynta amniga, waxa uuna hoosta ka xariiqay Ra’iisul wasaaraha sababta ay u tageen furimaha dagaalka ay tahay dar dargelinta howlgallada socda.