Saraakiil ka tirsan Sirdoonka dalka Faransiiska, ayaa Warbaahinta CNN u xaqiijiyey in dawladda Pakistan soo riday diyaarad ka mid ah diyaaraddaha aadka u qaaliga ah ee Rafale oo uu Faransiisku soo saaro kaddib dagaalkii dhex maray Hindiya iyo Pakistan.
Diyaaraddan oo midkiiba qiimeheedu joogo 288 Milyan oo Dollar oo Faransiisku hore uga iibiyey New Delhi ayaa lagu soo riday gudaha Hindiya ka dib markii ay halkaas Pakistan duqaymo ka geystay.
Pakistan waxa ay sheegtay in ay soo riday 3 Diyaaradood oo ah nooca uu Faransiisku soo saaro ee Rafale taas oo ka dhigan in Hindiya la kulantay khasaaare dhan 864 Million oo Dollar muddo aad u kooban gudohood.
Faransiiska ayaa sidoo kale aad uga xumaaday in la soo riday diyaaraddiisan Rafale oo sumacad badan dunida ku lahayd lagana aamisanaa in ay tahay diyaarad aan si fudud loo soo ridi karin.