Ururka Suxufiyiinta Soomaaliyeed ayaa galabta soo gabagabeeyay tababar saddex maalmood suxufiyiinta uga socday magaalada Muqdisho.
Tababarkan oo lagu baranaayey badqabka iyo horumarinta xorriyadda saxaafadda ayaa waxaa ka faa’ideystay illaa 26 weriye oo ka kala socday Muqdisho iyo gobollada dalka qaarkood. Waxaa SJS ku taageeray tababarkan Dowladda Canada.
Gabagabadii tababarka, Xoghaayaha Guud ee SJS Abdalle Ahmed Mumin, hawlwadeennada SJS iyo marti sharaf kale ayaa shahaadooyin guddoonsiiyay suxufiyiintii dhameeystay tababarkan.