Afhayeenka wasaaradda Gaashaandhigga ee Xukuumadda Soomaaliya Abuukar Maxamud, ayaa ka warbixiyay dagaaladii iyo duqeymihii ugu dambeeyay ee saacadihii lasoo dhaafay laga fuliyay deegaano katirsan gobolka Shabeellaha Dhexe.
Afhayeenka ayaa sheegay in howlgalada lagu dilay 40 xubnood oo katirsan Shabaab, isla markaana lagu gubay gaari Cabdi bila ah oo ay wateen kooxda.
“Howlgallo cirka iyo dhulka ah oo ciidamadu ka fuliyeen Masaajid Cali Gaduud iyo deegaano kale oo hoostaga degmada Raaga Ceelle ee Shabeellaha Dhexe, ayaa lagu dilay 40 Khawaarij ah, kaddib duqeymo lala beegsaday cadwoga” ayuu yiri Afhayeenka wasaaradda Gaashaandhigga Soomaaliya Abuukar Maxamed.
Afhayeenka oo sii hadlayay ayaa carabka ku dhuftay in mel wanaagsan ay marayaan howlaha dardar gelin dagaalka ka dhanka ah Al-shabaab, sidoo kalana uu Ra’iisul Wasaaraha uu hataan ku soo biiray furimaha dagaalka dalka looga saarayo kooxda Al-shabaab.
Gobolka Shabeellaha Dhexe, ayaa waxaa ka socda guluf dagaal oo ka dhan ah Al-shabaab, iyada oo ay dowladda kordhisay duqeymaha iyo weerarada ay ku qaadeyso deegaanada ku sugan yihiin Al-shabaab.