Nin Soomaali ah oo loo dilay $20 keliya Waddanka Mareykanka

September 15, 2022

2022914637987608005009579 — James Riley iyo 29 jir Alsianna Martin ayaa la xiray Talaadadii kadib markii lagu eedeeyay dil. IMPD ayaa iska leh Sawirrada

Indianapolis (Onkod Radio) — Muwaadin Soomaaliyeed oo ahaa darawal taksi ayaa lagu dilay magaalada Indianapolis ee gobolka Indiana ee dalka Mareykanka Sabtidii, waxaa sidaas sheegtay waaxda booliska magaalada ee IMPD.

Saraakiil ka tirsan IMPD ayaa xiray nin lagu magacaabo James Riley oo 30 jir ah iyo Alysianna Martin oo gabar 29 jir ah, kuwaas oo loo haysto inay ka dambeeyeen dilka.

Waxyar kadib 4:00am subaxii Sabtida ee 10-kii September, qof ayaa soo wacay number-ka 911, isaga oo ku wargeliyey in meel u dhow halka ay iska galaan waddooyinka 11^th iyo New Jersey uu yaallo baabuur muddo badan albaabadiisa furan yihiin.

Markii booliska IMPD ay yimaadeen, waxay heleen meydka Cabdulaadir Filanwaa oo yaalla kursiga darwalka, ayada oo baabuurkuna uu daaran yahay, sida lagu sheegay warbixinta booliska.

Waaxda caafimaadka ayaa shaacisay in Cabdulqaadir Filanwaa oo 55 jir ahaa uu isla goobta ku dhintay.

Sida ku cad warqadaha maxkamadda, kaamiro ku dhegneyd taksiga ayaa duubtay Riley iyo Martin oo soo galaya gaariga. Kadib waxaa la arkay Riley oo lasoo baxaya bastoolad oo dhinaca ka saaraya Cabdulqaadir, kuna amraya inuu goob cayiman u kaxeeyo.

Booliska ayaa sheegay in muuqaalka laga maqlayo Riley oo Cabdulqaadir weydiinaya halka ay ku dhegan tahay kaamirada gaariga, kadibna ku eedeynaya inuusan maqleyn amaradiisa.

Riley ayaa kadib la maqlayaa isaga oo leh “ma waxay kula tahay inaan cayaarayo? Ma waxaad dooneysaa inaad dhimato? Ma waxaad dooneydaa inaad dhimato?”

Sidoo kale, inta gaariga uu socday waxay u muuqatay inuu jiray muran ku saabsan $20 oo Cabdulqaadir Filanwaa uu weydiistay Riley inuu bixiyo, balse Riley uu diiday inuu siiyo.

Markii gaariga uu istaagay, Riley ayaa weydiistay Cabdulqaadir inuu layrka gaariga damiyo, kadibna wuu toogtay. Wuxu kadib kusii dhuftay laba xabbad oo kale.

Kadib markii ay xireen booliska, Riley iyo Martin ayaa hadalladooda ay isburiyeen waxayna beeniyeen inay wax lug ah ku lahaayeen toogashada.

Si kastaba, Riley ayaa markii dambe qirtay inuu toogtay Cabdulqaadir Filanwaa, balse waxa uu yiri “ma dooneyn inaan sidaas sameeyo, waxaa dhacay isfaham waa.”

Nin Soomaali ah oo loo dilay $20 keliya Waddanka Mareykanka

Related Articles

News In English

Digital Safety: A Shared Responsibility TikTok is Proud to Prioritise

Getachew: Ethiopia lying, thousands of Eritrean troops are still in Tigray region.

The ministry of planing asks the foreign organization implementing project in Somalia

Blast kills 34, wounds 150 at mosque in Pakistan

Somalia wil suspend local and international to/ from Mogadisho

Fikradaha

Gegida dayaaradaha Aden Cabdulle waxay u baahan tahay in sida loo dhaamo.

Colaadihii Hore Cashar Laguma Qaadan Miyaa?

Mala-jooga waqtigii MD Xasan Sheekh u soo laaban lahaa Tolkiisa ?

MD Deni laba daran mid dooro: Dhabbaha Mustaqbalka Puntland

Rucbi xooggan oo ku dhacay Milatariga Israel iyo Jihooyin Cusub oo Dagaal oo ku furmi kara

Nagu Saabsan

Nagala Soo Xiriir