Riyadh (ONKOD) Ciidanka Sacuudiga ayaa lagu eedeyay in ay ku dhaqaaqeen gabood falo ka dhan ah xuquuqda Aadanaha oo ay u gaysteen dad u badan Afrikaan oo ay ku jiraan Soomaaliya kuwaas oo damacsanaa in gudaha ay u galaan dalkaas.
War maanta oo isniin ah Hay’adda u dooda xuquuqda Aadanah HRW ay soo saartay ayay ku sheegtay in ay jiraan dhibanayaal badan oo ay wareysteen kuwaas oo dhibaatooyin kala kulmay ciidanka ku sugan xuduudaha dalkaas.
Waxa ay sheegtay Hay’ada Human Rights Watch in ciidamada ilaalada xudduudaha Sacuudiga ay dileen ugu yaraan boqollaal muhaajiriin Itoobiyaan ah iyo magan-galyo doon oo isku dayay inay ka gudbaan xadka Yemen iyo Sacuudiga
Human Rights Watch ayaa warqad u dirtay Boqortooyada Sacuudiga iyo Xuutiyiinta Yemen si ay uga jawaaabaan eedaymaha. Maamulka Xuutiyiinta ayaa ka jawaabay warqaddii loo direy maalintii Sabtida ee Agoosto 19, 2023.
Ku dhawaad 750,000 oo Itoobiyaan ah ayaa ku nool kana shaqeeya Sucuudiga. Halka qaar badan oo ka mid ah ay u haajiraan sababo dhaqaale, tiro ayaa u qaxay sababtoo ah xad-gudubyo ba’an oo xuquuqul insaanka ah oo ka dhacay Itoobiya