Muqdisho (ONKOD)- Deegaano badan oo gobolka Shabeellaha dhexe waxaa ka soconaya , dagaalada salka ku haya arrimaha qabaa’ilka kuwaa soo noqday kuwa xargaha goystay.
Dhawr jeer waxaa dagaaladaas ku baxay masuuliyiin kala duwan oo ka soo jeeda deegaanada gobolka Shabeellaha dhexe si xaaladda ay u dejiyaan hase ahaatee ma aysan guulaysan.
Waxa ay u dhaxeeyaan dagaaladan laba beelo oo walaala ah oo Oodwadaag ah kuwaas oo isku hayo arrimo ku saabsan daaqsin iyo deegaan sababay in dhiig uu daato keentayna aargudasho muddo socotay.
Dagaaladan waxa ay ka dhacayaan , deegaanada kala ah Qurac-madoobe iyo Aqab-duco halkaas oo maalmihii la sood dhaafay dagaaladu ay ka socdeen in kastoo xaaladu hadda ay tahay mid degan.
Muddooyinkii ugu danbeeyay ayaa waxaa deegaano ka tirsan Gobolka Shabeellaha Dhexe kusoo laab-laabanayay dagaal beeleedyo u dhexeeyay maleeshiyaad hubeysan oo gobolka wada-daga.
Keliya ma aha Shabeellaha dhexe meelaha laga soo calamadaynayo dagaalada qabaa’iilka ee loo taag la’ yahay in wax laga qabto marka laga reebo baaqyada la dirayo si dagaalka loo joojiyo.
Deegaano badan oo dalka ah waxaa ka taagaan dagaalada salka ku haya qabaa’ilka kuwaas oo ilaa iyo hadda Dowladda Soomaaliya aysan ku guulaysan wax ka qabashadood.