Madaxweyne ku xigeenkii hore ee dalka Kenya oo sheegay sababta uu xilka u tagay ay aheyd kaddib markii xilalka ugu muhiinsan loo magacaabay bulshadda Soomaalida ah ee ku nool dalka Kenya.
“Waxaan uga tagay in aan la shaqeeyo madaxweyne William Ruto, bulshadda Soomaalida ah ee ku nool dalka Kenya ayuu u magacaabay xilalka ugu muhiimsan waddanka, ku waas oo ugu muhiimsan yahay dhanka ammaanka oo ku taxay, waxaan waydiiyay Madaxweyne Ruto maxaad xilalka ugu muhiimka ah u siisay Bulshadda Soomaalida, waxa uu iigu jawaabay way u qalmaan xilalka aan u dhiibay.” Ayuu yiri Madaxweyne ku xigeenkii hore ee Kenya Rigathi Gachagua qoraal uu soo dhigay bartiisa X.
Khilaaf soo kala dhex galay sanadkii hore ee 2024-kii madaxweynaha dalka Kenya William Ruto iyo ku xigeenkiisii hore Rigathi Gachagua, ayaa sababay in Baarlamaanka dalkaasi Kenya ay u codeeyaan in xilka laga xayuubiyo Madaxweyne kuxigeenkii dalkaasi Gachagua, 281 mudane ayaa u codeeyay xil ka qaadistiisa, 44 mudane way diideen, hal mudanena wuu ka aamusay.
Waxa uuna Sidaas ku waayay xilkiisa madaxweyne ku-xigeenka horee ee Kenya, balse muddo kaddib hadalkan ayaa saamayn ku dhex yeeshay gudaha dalka Kenya.
Sikastaba, madaxweynaha dalka Kenya muddo kaddib waxa uu xilkii ka qaaday Aadan Barre Ducaale oo ahaa wasiirka Gaashaandhiga Kenya, sidoo kale waxaa xusid mudan in Weli Soomaalidu ay hayaan booska Sirdoonka oo ah goob laftedu ah meel xasaasi ah.