Warar soo baxaya ayaa sheegaya in dowladda Soomaaliya ay ka shaqeyneyso sidii laisku xirilahaa howlgallada ka socda maamulada Hir-shabeelle iyo Galmudug ee ka dhan ah Al-shabaab.
Qorshahaan ayaa waxa uu yahay mid lagu doonayo in sare loogu qaado howlgalla lagu ciribtirayo kooxda Al-shabaab ee ka socda dalka.
Wararka anu heleyno ayaa waxa ay intaas ku darayaan in dowladda federaalka ay diyaarisay dhallinyaro aqoon u leh dhulalka dullaanka lagu yahay ee weli ay Shabaab ay maamulaan, waxaana la tilmaamay in dhallinyarada la geeyey xeryo lagu siinayo hubkii ay dagaalka ku gali lahyeen.
Ololahan ayaa waxaa sidoo kale gadaal ka riixaya xildhibaano doonaya in deegaanadii laga soo doortay laga saaro kooxda Al-shabaab oo hadda gacanta ku heysa deegaanadaasi.
Taliyeyaasha kala duwan ee ciidamada dowladda, ayaa waxa ay kulamo kala duwan ka wadaan furimaha dagaalka, iyaga oo ciidamada ku boorinaya in sare loo qaado dagaalka lagu ciribtirayo kooxda Al-shabaab.