War qoraal ah oo ka soo baxay Taliska Ciidamada Mareykanka ee jooga Afrika ee AFRICO,M ayaa lagu faah faahiyay howlgal dhanka ah Cirka ah oo kowdii bishaan laga fuliyay buuraha gobolka Bari, laguna beegsaday saraakiil iyo dagaalamayaal katirsan kooxda Daacish.
War-saxaafadeedka Africom ayaa lagu yiri Taliska Africom oo kaashanaya dowladda federaalka Soomaaliya ayaa 1-dii febraayo ee sanadakan 2025 wuxuu howlgala lagu bartilmaameedsaday saraakiil sare oo ka tirsanaa Daacish, oo ku dhuumaaleysanayey buuraha oo qayaas ahaantii 50 mile dhanka koonfur bari kaga beegan magaala xeebeedka Boosaaso.
Waxaa lagu sheegay qoraalka in 14 xubnood oo ka tirsanaa daacish lagu dilay howlgalkaasi, islamarkaana aanay jirin wax dhibaato ah oo soo gaartay dadka rayidka ah.
“Africom ayaa cadeysay in xubnaha la khaarijiyay uu ku jiray horjooge sare oo u qaabilsanaa daacish qorista, maleshiyaadka, dhinaca dhaqaalaha, kaasi oo magaciis alagu sheegay Axmed maleninine oo Africom sheegtay in uu masuul ka ahaa in xubnaha agrgagixisada uu u safriyo wadamada yurub iyo mareykanka” ayaa lagu yiri qoraalka kasoo baxay Taliska Africom.
Hadalka Africom ayaa imaanaya iyadoo mudooyinkii ugu dambeeyey ay howlgalada ka dhanka ah daacish ee ka socda buuralayda gobolka Bari, kuwaasi oo lagu gaarsiyay khasaare xoogan oo isugu dhimasho iyo dhaawac.