Muqdisho (Onkod Radio) – Madaxweynaha Mareykanka, ayaa diyaar u ah, in uu soo gabagabeeyo heshiiskii uu Spain, uu la galay kaas oo dib u dejin loogu samaynayo qaxootiga ka imaanaya xadka Mareykanka iyo Mexico, si loo yareeyo cadaadiska Boqollaal kun oo muhaajiriinta ah ayaa bil walba gaara xadka iyaga oo ujeedkoodu yahay in ay galaan Mareykanka, Heshiiska Spain, lala galay ayaa ku soo beegmaya isla markii ay Kanada wacad ku martay in ay caawinayso Maraykanka oo ay ka qaadanayso muhaajiriin Dalka Haiti, u dhashay ee doonaya in ay shaqeystaan kuwaas oo isku dayay in ay ka safraan Mexico.
Soo jeedinta ayaa weli ku jirta marxaladaha gorgortanka ee wadahadalka, laakiin waxaa la fahamsan yahay in qorshayaasha laga yaabo in lagu dhawaaqo Shirwaynaha Ameerika, toddobaadka soo socda, Madaxweynaha ayaa si kulul uga hadlay iskaashiga caalamiga ah si wax looga qabto cadaadisyada muhaajiriinta ah, oo ka sii dartay tan iyo markii maamulka Biden, uu xukunka la wareegay.
Heshiisku wuxuu sidoo kale ka arki doonaa faa’iido Spain, oo la ildaran heerka ugu sarreeya ee shaqo la’aanta ee Midowga Yurub, oo ah, 13.5 boqolkiiba. Sida laga soo xigtay ururada iyo shirkadaha Spain, waaxda dalxiisku waxay leedahay in ka badan 100,000 oo boosas ah, qarankuna wuxuu u baahan yahay ugu yaraan nus milyan shaqaale dhisme ah, Shabakadda wararka ee Mareykanka ee Axios, ayaa sheegtay in dukumentiyada qorsheynta gudaha ee ay shirkaddu dib u eegtay ay muujinayaan in tirada billowga ah, ee qaxootiga dib u dajinta Spain, ay noqon doonto “mid dhexdhexaad ah” laakiin “muhiim ah”.
Waxay kaloo sheegeen in Mareykanku uu rajeynayo in Spain ay ka go’an tahay inay laba jibaarto ama ay saddex jibaarto tirada shaqaalaha ku meel gaarka ah, ee ay ka hesho Bartamaha Ameerika ee barnaamijka socdaalka ku saleysan shaqada, Ma cadda haddii kuwa ay Spain, u aqbashay dib-u-dejinta ay tahay inay ka dalbadaan safaaradaha iyo qunsuliyadaha Maraykanka ee ka baxsan Maraykanka, Doorashada kale waxay noqon doontaa in kuwii hore uga soo gudbay xadka ay awoodaan inay codsadaan.
Xogta rasmiga ah waxay muujineysaa in qeybtii danbe ee 2021, ugu yaraan 1.5 milyan oo Latin America ah, marka laga reebo Brazilian, ay degenaayeen Spain, Taas, 626,000 waxay ku dhasheen Bartamaha Ameerika, iyo Kariibiyaanka, Isbaanishka waxaa loo arkay meel macquul ah, oo loogu talagalay dadka ka yimid Latin America, sababtoo ah luqadda la wadaago. Qaybta Kanada, ee heshiiska, dukumeentiyada lagu qeexay in Kanada, ay ka fiirsaneyso inay keento tiro badan oo qaxooti iyo shaqaale Haiti ah, oo ay u oggolaan doonto.