Beledwayne(ONKOD) Cali Jayte Cusmaan oo ah u qaabilsanahay Madaxwaynaha Soomaaliya ee arrimaha howlgalada ayaa shaaca ka qaaday in diyaar ay u yihiin in marka ay ka dhamaadaan ay u gudbi doonaan Ceelbuur.
Cali Jayte waxa uu xusay in Maleeshiyaadkan wax badan ay ka qabteen kooxda Al- Shabaab ee ku sugnaa deegaano ka mid ah gobolka Hiiraan , halkaas oo howlgalada ay ka soconayaan.
‘’Ciidanka macwiislayda waa in sida ugu dhaqsiyaha badan ay u gaaraan deegaanka Ceelbuur ee galgaduud ‘’ ayuu ka sheegay Cali Jayte meel fagaara ah oo ku taala Hiiraan.
Waxa uu ugu baaqay ciidamada uu la hadlayay Cali Jeyte in ay isku diyaariyaan sidii ay u gaari lahaayeen degmooyinka Ceelbuur, Galhareeri iyo deegaanno kale ,si kooxda Al Shabaab loo dhaafiyo guud ahaan Hiiraan.
”Waa in aad Ceelbuur ku hoyataan oo Galhareeri ku hoyataan oo ilaa salka dambe ku hoyataan, si gabdhihiina gobolka Hiiraan ugu laafiyoodaan, wiilal kale waa in ay ku dhintaan doorka dagaalka’’ ayuu markale yiri Cali Jayte.
Ciidanka Dowladda Federaalka ah ee Soomaaliya iyo kooxaha Macwiilayda ayaa ka wada deegaano ka mid ah gobolka Hiiraan howlgalo ka dhan ah kooxda Al- Shabaaab.