Laascanood (ONKOD ) Wararka naga soo gaaraya magaalada Laascanood ee gobolka Sool ayaa sheegaya in halkaas saaka markale laga maqlay madaafiic xooggan oo ku dhacayay xaafadaha qaar ee magaaalada.
Waxa lagu soo waramayaa in hoobiyaashaas magaalada ay ku garaceen ciidanka militiriga ee Somaliland kuwaas oo ku sugan duleedka magaalada oo ay isku hor fadhiyaan iyaga & kuwoa dadka deegaanka.
Goobjooge ku sugan magaalada Laascanood ayaa sheegay in hoobiyaasha qaar ay ku dhacayeen xaafado dadku mar hore ay isaga barakaceen sabab la xiriirta colaad ka taagan magaalada Laascanood.
Kooxaha dadka deegaanka ee hubaysan ayaa dhankooda hoobiyaasha kaga jawaabay kuwo kale inkastoo aan la soo sheegin khasaaraha ka dhashay labada dhinac .
Xaaladda ayaa haatan ah mid aad u kacsan, sida ay soo sheegayaan qaar kamid ah dadka deegaanka, oo ay saameyn ku yeeshee. Madaafiicda.
Ciidanka deegaanka Khaatumo iyo kuwa Somaliland ayaa isku hor fadhiya wali Deegaanka Goojacadde , halkaas oo noqotay ubucda dagaalka u dhaxeeya labada dhinac ee khasaare baaxad leh gaystay.
Horay waxaa u fashilmay dadaallada la doonayo in lagu qaboojiyo xiisadda, waxaana labada dhinac ay ka dhaga fureysteen dhamaan baaqyada nabadda ee loo dirayo.