Mareykanka Oo Baaraya Dad Rayid Ah Oo Dhintay Kadib Markii Ay Ka Soo Boodeen Diyaarad Hawada Ku Jirta

|

Ciidamada cirka ee Mareykanka ayaa baaraya dhimashada dad rayid ah oo reer Afgaanistaan ah oo ka soo dhacay diyaarad militari kadib markii ay ka duushay garoonka diyaaradaha ee Kabul.

Muuqaalo ay baahiyeen warbaahinta Afgaanistaan Isniintii la soo dhaafay ayaa muujinayay muwaadiniin rogrogaya meydadka dad ka soo dhacay guryo ka dib markii ay ku dhegeen taayirada diyaarad ka duushay garoonka diyaaradaha ee caasimadda Afghanistan ee Kabul.

Isniintii la soo dhaafay, warbaahinta maxalliga ah iyo dadka isticmaala baraha bulshada ayaa faafiyay muuqaalo naxdin leh oo muujinaya muwaadiniin reer Afgaanistaan ah oo ku dheggan taayirada diyaarad militari oo Mareykan ah markii ay ka duushay gegida diyaaradaha ee Kabul ka hor inta aysan ka soo dhicin markii diyaarada gashay hawada sare.

Muuqaalka ayaa muujinaya diyaaradda xamuulka ciidamada Maraykanka ee C-17 oo isku diyaarinaysa inay duusho, halka boqolaal dhalinyaro reer Afgaanistaan ah ay ordayaan horteeda iyo hareeraheeda, tiro ka mid ahna ay ku dhegganayeen  lugaha diyaaradda oo weli kusii socotay dhabaheeda inta aysan duulin ka hor.

Dadka isticmaala baraha bulshada  ayaa sidoo kale aad isula wadaagay clip kale oo muujinaya qof rakaab ah oo saran mid kamid ah dayaaradaha oo qof kale gacanta kaso qabanaya si uu uga so galiyo albaab furan oo diyaaradda ku yaal, waxaana qofkii dhulkajoogay u suurogashay inuu fuulodiyaarada isagoo kaashanaya dadka kale ee dhulka jooga, iyadoo aan la ogeyn halkii ay ku dambeeyeen.

Muuqaal kale ayaa muujinaya koox dad ah oo taagan hareeraha meydka qof ku soo dhacay dhisme dushiisa kadib markii ay ku dhegeen isaga iyo kuwa kale taayirrada diyaarad ka duushay garoonka diyaaradaha ee Kabul.

Waxaana jira dhimasho iyo dhaawac ka dhashay fowdo iyo isbuurasho ka dhacday gudaha garoonka diyaaradaha caalamiga ah ee Kabul subaxnimadii Isniinta taas waxana ciidamada Mareykanka ay rasaas kor ugu rideen dad badan oo reer Afgaanistaan ah oo soo buux dhaafiyay dhabaha diyaaradaha ku ordaan ee garoonka.

Askarta Mareykanka ayaa mas’uul ka ah sugidda amniga garoonka si ay gacan uga geystaan daadgureynta shaqaalaha safaaradda Mareykanka iyo diblomaasiyiinta shisheeye ee ka socda wadamo dhowr ah, iyo sidoo kale rayidka kale ee doonaya inay baxaan kadib markii xoogagga Taaliban ay Axadii lasoo dhaafay la wareegeen inta badan xarumihii ku yaalay caasimadda.

Isha warka: Goobjoog

Related Articles

News In English

The net-zero impact of World Bank projects in Somalia

The World Bank (WB) is launching the Somali Electricity recovery Project (SERP) which will cost 150M USD and its worth mentioning that the money...

Prominent TV journalist killed, two others injured in Mogadishu bombings

MOGADISHU, Somalia 29 October, 2022 – Somali Journalists Syndicate (SJS), the Somali Media Association (SOMA) and the Somali Mechanism for the Safety of Journalists...

Attacks against journalists climb as Somali authorities declare crackdown on press freedom

MOGADISHU, Somalia 27 October, 2022 – Somali Journalists Syndicate (SJS) and the Somali Media Association (SOMA) are alarmed by the ongoing crackdown by the...

State TV journalist killed while covering military operation on the outskirts of Mogadishu

Mogadishu (Onkod Radio) — Somali Journalists Syndicate (SJS) strongly condemns the bomb attack that targeted Somali National Television (SNTV) journalist, Ahmed Mohamed Shakur alongside...

UK announces new support for people facing famine in Horn of Africa

Mogadishu (Onkod Radio) — Speaking at an event on the humanitarian crisis unfolding in the Horn of Africa at the UN General Assembly in...

Fikradaha

The net-zero impact of World Bank projects in Somalia

The World Bank (WB) is launching the Somali Electricity recovery Project (SERP) which will cost 150M USD and its worth mentioning that the money...

GUURKII AWOOWAYAASHEEN – DOONISTII IYO AQAL-GALKII

Qaybtii 1-aad: Barnaamijka War iyo waaya-arag waxaan maanta ku soo qaadanaynaa sida hablaha loo doono iyo sida aroosyada loo dhiso innaga oo tix raacaynaa...

Dalkeena wuxuu u baahan yahay Ciidan Qaran oo Badbaadiya!

Tani waa farriin ka socota muwaadin Soomaaliyeed oo ay danqeyso xaaladda ay ku sugan yihiin Ciidamada Xoogga Dalka Soomaaliyeed xilli uu dalkeena baahi aad...