Muqdisho (ONKOD) Madaxwyanaha Dowladda Soomaaliya ayaa goor sii horeysay oo shalay ah ka qayb galay kulan deg deg ah oo ay lahaayeen xubnaha Golaha wasiirada Soomaaliya.
Xasan Sheekh Maxamuud ayaa sheegay in loo baahan yahay isla xisaabtan dhab ah oo Golaha wasiirada ah , taas oo Golaha qaarkood ay ku warameen in ay tahay culays imaaraadka carabta uu ku hayo Madaxwaynaha Soomaaliya.
“Ma rabin inaan idin kala daadiyo, laakiin haddii NALAGU QASBO, waan idinka kala daadinayaa,”
Madaxwayanaha ayaa sidoo kale waxa Golaha wasiirada uu kala dooran siiyay labo qof wasiiradii uu kulanka la qaatay inay meel mariyaan qorshihiisa siyaasadeed ee wax ka bedelka Dastuurka iyo inay banneeyaan kuraasta ay ku fadhiyaan.
Waa laba arin oo aan daaha laga qaaday oo Madaxwaynaha Soomaaliya uu ku canaantay xubnaha Golaha wasiiirada ee kulanka uu la qaatay sida ay ku warameen xubnaha wasiirada oo la hadlay KAABTV.com
Madaxweyne Xasan Sheekh ayaa si weyn uga shaqeynaya muddooyinkan sidii uu u meel marin lahaa heshiisyadii Golaha Wadatashiga Qaran oo dhammaantood u baahan in wax ka bedel lagu sameeyo Dastuurka.