Guddoomiyaha Gobolka Banaadir ahna Duqa Magaalada Muqdisho Mudane Maxamed Axmed Amiir ayaa Aqalka Dowladda Hoose ee Xamar ku qaabilay Madaxa Hey’adda TIKA ee Soomaaliya Zafer Eşki, iyaga oo ka wada hadlay xoojinta xiriirka labada dhinac iyo sidii loogu wada shaqeyn lahaa Mashaariicyo horumarineed.
Duqa Muqdisho ayaa kaga Mahadceliyay Hey’adda TIKA iyo guud ahaan Dowladda Turkiya garab istaaga iyo doorka ay ka qaateen dib usoo kabashada dalka, gaar ahaan mashaariicda horumarineed oo ay ka fuliyeen Magaalada Muqdisho.
Kulanka ayaa sidoo kale loogu hadlay in xilligaan la joogo waqtigii la iska kaashan lahaa fulinta Mashaariicyo lagu garab istaagayo dhalinyarada Soomaaliyeed, gaar ahaan kuwa ku nool Magaalada Muqdisho in loo sameeyo shaqo abuur iyo in laga taageero barashada xirfadaha farsamada gacanta.