Wararka inaga soo gaaraya magaalada Mandheera, ayaa sheegay in shan kamid ah odoyaasha dhaqanka ee deegaanka la la’yahay kaddib markii rag hubeysan oo loo maleynayo inay katirsan yihiin Al-shabaab ay saakay ka afduubteen degmada Ceel-waaq gaar ahaan dhica Waqooyi bari ee Kenya.
Wararka ayaa intaas ku daraya in Odayaasha ay xoog ku ka xeysteen dableyda hubeysan,waxaana la tilmaamay in ay ka wateen inta u dhaxeeysa Wargaduud iyo Ceel-waaq abaare 7:00 subaxnimo ee maanta, sida ay shegeen ilo wareedyo.
Julis Jjeru, oo ah Taliyaha Booliska koonfurta Mandheera, ayaa xaqiijiyay dhacdadaan la xiriirta afduubta, waxaana sidoo kale la sheegay in xiliga afduubta lagula kacayay Odayaasha inay la socdeen gaari Mazda ah oo uu lee yahay G/ sare Maxamed Nuur Xaashi.
Geesta kale waxaa la sheegay in dableyda hubeysan ay Odayaasha u ka xeesteen dhanka xuduuda Soomaaliya.
Sikastaba, dhacadan afduubka ee lagula kacay Ugaasyadan ayaa ku soo aadaya xili maalinta la filayo inuu booqasho todobaadle ah uu ku maro gobolka Waqooyi Bari ee Kenya madaxweynaha Kenya William Ruto.