Laascanood (ONKOD) Ciidanka SSC – Khaatumo iyo kuwa Somaliland ayaa markale lagu soo waramayaa in dagaal ragool celis ah uu ku dhaxmaray duleedka magaalada Laascanood ee gobolka Sool
Sida wararku ay sheegayaan dagaalkan ayaa daba socda dagaal goor sii horeysay oo shalay ah deegaanka Buq-dharkayn ee galbeedka gobolka Sool ku dhaxmaray labada dhinac.
Dhawaqa rasaas xooggan ayaa laga maqlayaa jiidda waxaana wararku sheegayaan in ciidamada Somaliland ay weerar ku soo qaadeen degaanka Buq-dharkayn oo ay ku sugnayeen ciidanka SSC- Khaatumo
Ciidamada SSC oo gacanta ku haya Amniga Buq-dharkayn iyo nawaaxigeeda ayaa jawaab ka bixiyay weerarka sidaas waxaa sheegay saraakiisha Khaatumo oo u waramay warbaahinta.
Dagaalkan ay Somaliland soo qaaday ayaa u muuqday mid lagu carqaladeenayo dadaalada nabada ee halkaasi ka socday.
Maamulka SSC ayaa ku eedeeyey dagaalkan Madaxweynaha Somaliland Muuse Biixi Cabdi