Muqdisho (ONKOD ) Taariiqda iyada ayaa is qorta dibna isku aqrisa, gobolka Hiiraan khilaafka ka jira waxaa uu ahaa mid soo jiitamayay tan iyo unkashadii maamulka Hirshabeelle inkastoo ay jireen Murano kale oo ka sii horeeyay.
Siyaasiin badan ayaa diiday habka awood qaybsiga maamulka Hirshabeelle ee la dhisay markii hoggaanka uu qabtay Cali Guudlaawe taas oo keentay in gadood badan uu ka dhasho maamulkaas isla markaana ay dilaacaan maleeshiyo u abaabulan qaab beeleed.
Meelaha laga diiday waxaa ka mid ah magaalada Beledwayne , halkaas oo ay is abaabuleen maleeshiyo beeleed hubaysan oo duurka galay si ay u helaan xuquuq ay sheegeen in iyaga ay ka maqan tahay.
Waxaa hoggaaminayay malesehiyaadkaas Generaal Abuukar Xaaji Warsame Xuud oo dagaal badan ka soo qaaday hawdkii uu ku sugnaa , isagoo sheegayay xiligaas in uusan aqoonsaneyn maamulka Hirshabeelle ee uu hoggaamiyo Cali Guudlaawe.
Si ka duwan taas , hase ahaatee meelaha qaar iska shabahaan waxaa Hiiraan inuu Madaxwayne ka yahay Hiiraan State sheegtay Cali Jayte Cusmaan oo iska diiday xil ka qaadis uu ku sameeyay Madaxwaynaha Hirshabeelle Cali Guudlaawe.
Cali Jayte ayaa maleeshiyaad u badan kuwa macwiislayda ee horkacayay howlgalka Al- Shabaab una abaabulan qaab qabiil waxa ay ku ilaalinayaan magaalada Beledwayne kuwaas oo xil ka qaadistiisa ka dib inta badan ku soo xaraaday magaalada.
Waxa uu sheegay Cali Jayte inuusan aqoonsanayn maamulka Hirshabeelle taas bedelkeeda iyagu ay xaq u leeyihiin in aayahooda ka tashadaan oo ay samaystaan maamul madax banaan.
Ka hor go’aanka waxaa uu Guddoomiyaha xilka laga qaaday uu shaaciyay in gabi ahaanba cir iyo dhul xiran yahay gobolka Hiiraan , taas oo dhinacyo badan siyaabo kala duwan ay ka hadleen hase ahaatee dadka ku nool magaalada Beledwayne waxay u arkaan inuu yahay xaq u dirir loona baahan yahay in la garab istaago.
Marka ay halkaas ay marayso sheekada dib aan u eegno taariiqda , Jannaayo 19, 2022 Dowladdii Madaxwayne Maxamed Cabdullaahi Farmaajo ayaa Muqdisho ugu yeertay Generaal Xuud isagoo aqbalay casuumadii Dowladda wuxuuna ka soo degay wada dheer ka dib Garoonka Aadan Cadde.
Generaalka oo markiisa kowaad la soo dhaweeyay ayaa maalmo ka dib waxaa laga xirtay alaabada , culays badan ayaa laga saaray inuu ka dhaafo Garoonka Aadan Cadde kooxdii xilligaa xukunka joogtay waxa ay ku guulaystay in ay kala dhantaasho Kacdiisa.
20-ka Juun 2023 – si la mid ah Dowladda Xasan Sheekh Maxamuud ayaa ugu yeertay magaalada Muqdisho , Cali Jayte Cusmaan oo isku caleema saaray Madaxwaynaha Hiiraan State si wada- hadalo loola furo isla markaana loo dhameeyo khilaafka jira taas oo lagu tilmaanay in ay tahay qorshe la mid ah kii Xuud Muqdisho lagu keenay.
Inkastoo Cali Jayte oo iska diiday , cusuumadaas sida xogaha la helayo ay sheegayaan hadana , dad badan ayaa rumaysan in talabadaas haddii uu qaadi uu uu iska tuuri doono ‘’ qar’’ iyo hadaan dheer taas oo keeni karta in meesha uu ka baxo qorshe kasta uu ka leeyahay maamulka uu isku caleema saara
WD .Hanad Ali Guled