Ururka Suxifiyiinta Soomaaliyeed SJS, ayaa ka mid noqday Isbahaysiga Bulshada Rayidka ee Axdiga La-dagaallanka Musuqmaasuqa ee Qaramada Midoobay

|

MUQDISHO, Soomaaliya 20 Febraayo, 2022 – Ururka Suxufiyiinta Soomaaliyeed (SJS) ayaa si rasmi ah ugu biiray Isbaheysiga Bulshada Rayidka ee Axdiga Qaramada Midoobay ee La-dagaalanka Musuqmaasuqa, taasoo qeyb ka ah, dadaallada SJS ee lagu difaacayo xuquuqda suxufiyiinta iyo horumarinta isla xisaabtanka xad gudubyada ka dhanka ah, xorriyadda saxaafadda oo ay ku jiraan weerarrada ka dhanka ah, warfidiyeennada soo tebiya wararka arrimaha musuqmaasuqa.

SJS oo ah, urur shaqaale oo madax-bannaan una dhaqdhaqaaqa difaaca xuquuqda suxufiyiinta iyo u qareemidda isla xisaabtanka xadgudubyada ka dhanka ah, xorriyadda warbaahinta, ayaa ku biirista Ururka Bulshada Rayidka ee Axdiga Qaramada Midoobay ee La-dagaalanka Musuqmaasuqa waxay siinaysaa SJS fursad ay kaga qeybgasho fagaarayaasha caalamiga ah.

SJS ayaa soo saartay saddex warbixin oo ku saabsan xaaladda xorriyadda saxaafadda ee Soomaaliya 20192020 iyo 2021 kuwaas oo diiwaangeliyay xadgudubyada ka dhanka ah, suxufiyiinta iyo xorriyadda saxaafadda. Tani waxaa ka mid ah, ol’olayaasha la xisaabtanka kiisaska gefafka dowladda. SJS waxay kaloo si adag uga soo horjeedsatay laaluushka dowladda ee Soomaaliya.

SJS waxay ka shaqeysaa horumarinta xoriyadda warbaahinta Soomaaliya si ay ula xisaabtanto mas’uuliyiinta dowladda iyo in daaha laga qaado kiisaska laaluushka iyo musuqmaasuqa. SJS waxay siineysaa difaac sharci warfidiyeennnada loo beegsado warbixintooda daaha ka qaadaya gafafka dowladdu. Suxufiyiinta ka faa’iidaysanaya adeegga SJS ayaa warfidiyeennnada xubnaha ka ah SJS. Hababkayaga faragelinta waxaa ka mid ah, tababarridda weriyaasha, horumarinta xorriyaddooda, iyo difaacidda shaqadooda saxaafadeed.

28kii Oktoobar 2021, SJS waxay dacwad rasmi ah oo ka dhan ah fal laaluush ka gudbisay madaxda dowlad goboleedka Hirshabeelle taasoo loo gudbiyay Guddiga Madaxa bannaan ee La-Dagaallanka Musuqmaasuqa ee Dowladda Federaalka Soomaaliya, waxaana laga sugayaa inay baaritaan buuxa oo madax bannaan ku sameeyso kiiskaasi.

SJS waxay ka qeybqaadaneysaa hannaanka hubinta qiimaynta la-dagaallanka musuqmaasuqa oo ah marxaladda koowaad, ee habka dib u eegista ee ku xusan Axdiga Qaramada Midoobay. SJS waxay adkeyneysaa la xisaabtan dadweeyne iyo joojinta xadgudubyada ka dhanka ah warbaahinta sida laaluushka loo isticmaalo faafreebka wararka.

“Waan ku faraxsanahay inaan ku biirno Isbaheysiga Bulshada Rayidka ee Axdiga Qaramada Midoobay, ee La-dagaallanka Musuqmaasuqa (UNCAC). Tani waxay muujineysaa muhiimadda ay warfidiyeenka u leeyihiin la dagaallanka musuqmaasuqa, horumarinta isla xisaabtanka, hufnaanta iyo qiyamka hannaanka dowladda iyo tan gaarka ah ee Soomaaliya,” ayuu yiri Xoghayaha Guud ee SJS, Cabdalle Axmed Mumin.

“Annaga, haddaan nahay bahda weriyayaasha, waxaan door muhiim ah, ku leenahay la dagaallanka musuqmaasuqa. Waxaan nahay qeybta ugu muhiimsan ee ciribtirka musuqmaasuqa joogtada ah, annagoo baareyna soona bandhigayna dhaqamada musuq-maasuqa, annagoo dalbaneyna isla xisaabtan iyo daah-furnaan ka imaanaysa hay’adaha dowliga ah, iyo kuwa gaarka ah, ee Soomaaliya,” ayuu hadalkiisa ku daray Cabdalle Axmed

Mumin. “Sidaa darteed, waxaan aaminsannahay in ku biirista Isbaheysiga Bulshada Rayidka ah ee Axdiga Qaramada Midoobay ay siineyso SJS iyo suxufiyiinta xubnaha ka ahba fursad ay kaga qeybqaataan u doodista iyo horumarinta doorka warbaahinta Soomaaliyeed ee baaritaanka musuqmaasuqa iyo difaaca xuquuqda suxufiyiinta.”

Related Articles

News In English

The net-zero impact of World Bank projects in Somalia

The World Bank (WB) is launching the Somali Electricity recovery Project (SERP) which will cost 150M USD and its worth mentioning that the money...

Prominent TV journalist killed, two others injured in Mogadishu bombings

MOGADISHU, Somalia 29 October, 2022 – Somali Journalists Syndicate (SJS), the Somali Media Association (SOMA) and the Somali Mechanism for the Safety of Journalists...

Attacks against journalists climb as Somali authorities declare crackdown on press freedom

MOGADISHU, Somalia 27 October, 2022 – Somali Journalists Syndicate (SJS) and the Somali Media Association (SOMA) are alarmed by the ongoing crackdown by the...

State TV journalist killed while covering military operation on the outskirts of Mogadishu

Mogadishu (Onkod Radio) — Somali Journalists Syndicate (SJS) strongly condemns the bomb attack that targeted Somali National Television (SNTV) journalist, Ahmed Mohamed Shakur alongside...

UK announces new support for people facing famine in Horn of Africa

Mogadishu (Onkod Radio) — Speaking at an event on the humanitarian crisis unfolding in the Horn of Africa at the UN General Assembly in...

Fikradaha

The net-zero impact of World Bank projects in Somalia

The World Bank (WB) is launching the Somali Electricity recovery Project (SERP) which will cost 150M USD and its worth mentioning that the money...

GUURKII AWOOWAYAASHEEN – DOONISTII IYO AQAL-GALKII

Qaybtii 1-aad: Barnaamijka War iyo waaya-arag waxaan maanta ku soo qaadanaynaa sida hablaha loo doono iyo sida aroosyada loo dhiso innaga oo tix raacaynaa...

Dalkeena wuxuu u baahan yahay Ciidan Qaran oo Badbaadiya!

Tani waa farriin ka socota muwaadin Soomaaliyeed oo ay danqeyso xaaladda ay ku sugan yihiin Ciidamada Xoogga Dalka Soomaaliyeed xilli uu dalkeena baahi aad...