Warqad kasoo baxday xafiiska Guddoomiyaha Golaha Shacabka ee Baarlamaanka Soomaaliya Sheekh Aadan Madoobe , ayaa lagu sheegay in labo bilood oo xiriir ah fadhiyada Baarlamaanka laga mamnuucay Xildhibaan Xasan Cabdi Ismaaciil ( Xasan Firinbi) sidoo kale la dul dhigay ganax adag oo ah guno ka jaris labo bilood ah.
Xildhibaan Xasan ayaa 27-kii bishii November waxa uu Sarkaal kamid katirsan ilaalada xarunta Golaha Shacabka fal gacan qaad ah u geystay Askari,kaasi oo dhibaato ay kasoo gaartay, iyada oo sidoo kale Xildhibaanka lagu eedeeyay in xarunta Golaha ka kiciyay buuq iyo falal aan loo baahneen.
Warqada kasoo baxday Guddoomiyaha Golaha Shacabka Sheekh Aadan Madoobe, ayaa Xildhibaanada lagu bogaadiyay howlaha qaranka u hayaan isaga oo kula dardaarmay ilaalinta iyo dhowrista nidaamka iyo habsami u socodka Golaha Shacabka.