Kampala (ONKOD) War uu ku daabacay bartiisa X ayuu ku sheegay Madaxwaynaha Uganda Yoweri Museveni in waqtiga la joogo sinaba suurtagal u ahayn in Somaliland ay ka go’do Soomaaliya muhiim-na ay tahay midnimada.
Madaxweynaha Uganda ayaa sheegay inuu diyaar u yahay inuu dhex-dhexaadiyo Hargeysa iyo Muqdisho, ayna u baahan yihiin inay wada shaqeeyaan si buu yiri loo gaaro midnimada labada dhinac .
“Waxa madaxtooyada Entebbe igu soo booqday Ergayga Gaar ah ee Somaliland Jaamac Muuse Jaamac, anagu ma taageersanin in Somaliland ka godo Soomaaliya, waayo istaraateji ahaan waa qalad” ayuu yidhi Museveni
“Madaxweyne Muuse Biixi waxa uu aqbalay inuu noqdo fududeeyaha midaynta Somaliland iyo Soomaaliya,” ayuu markale sheegay Madaxwaynaha Uganda Yoweri Museveni.
Somaliland ayaa sheegta in ay ka go’day Soomaaliya 1991-kii, balse ma helin aqoonsi caalami ah oo ku saabsan madaxbannaanida. Inta badan waxay ahayd nabad iyadoo Soomaaliya ay ka socdeen dagaallo sokeeye.
Museveni ayaa inta badan ah siyaasi aan la gaban hadallada, wuxuuna hadda kahor sidoo kale hadal u muuqday bahdil ku hor yiri madaxweynaha Soomaaliya Xasan Sheekh Maxamuud, isaga oo u sheegay inaanu isku haleyn ciidan shisheeye ee Soomaaliya